 | | |
| | |
|
Spaces home  ○๑♥๑○ℓ مق مق ℓ○๑♥๑○PhotosProfileFriendsMore |  Tools   |
○๑♥๑○ℓ مق مق ℓ○๑♥๑○
February 13 مشيت خلاصhttp://song4.6arab.com/wa2el-jassar_mesheet-5alas.ram
مساء الخير :(
مسااء الحب
فيني حزن يكفي الدنيا كلهاا وفيني ضيقة صدر تكاد تخنقني << يمديكم على القريحه
.. !! لا بجد مدري وش فيني
... ودي ابكي لين مايبقى دمووع
.... ودي ابكي لين مايبقى كلام
ليه اللي نحبهم تغصبنا ظروفنا او ظروفهم نبعد ونفترق؟
من قرادتنا ولا من زين الاختيار كله واحد
واخرتها صنوو تقول بترك السبيس :(
اولها تترك السبيس
شوي تقول بترك الايميل والمسنجر ومايندرى وشي خطوة الانسحاب التاليه م1
لاحد يهددني انه بيبعد عني لايجي يوم اخليكم تبكون على اطلاليي
ولعانه حتى اطلالي باخذها معي :\
صنو لاتبعدين لو تبين ابيع لك الخمسه اسهم حقتي اللي في ينساب بعتهن
ونروح انا وانتي بيروت نعدل خششنا وننفخ براطمنا ونجحد كل السعوديين
اخذ انا توني وانتي جوزيف ونفلهاا
: يقول الشاعر
لاتطلعين ولا تنزلين ربي ماخلقني اتبع المقفيين << ياشيخه براا باله
تحذير :
الدخان يجيب الكتمه ابتعدوو عنه وراعيه ذالسبيس سبهه طيبه حنونه لاتبعدون وتخلونها
بااي بروح اصيح
موق موق ذات كتمه :(((
December 31 staracاناااااااااا ستاراك ايييييييييييه ستاراكـ نظرا للمجهود الذهني والعضلي والمالي اللي بذلته عشان يطلعون هم ستاراك
بدايه هالبرامج كانت سوبر ستار
على قناة المستقبل وبصراحه ماتحمست له كثير
يمكن لانه ع المستقبل ؟ ويمكن لانه تغطياتهم غبيه؟
ويمكن لانه اكثره زلمات
بس اخر مرحله بديت احمسس عشان
ولاتهون الزلميه ديانا كرزون
بس شعبيه سوبر ستار اختفت عند ظهور
ستار اكاديمي
اللي اكتسحت شعبيتها كل بيت في كل بلد
وكانت اكبر شعبيه لهالبرنامج في السعوديه اللي يصوتون سواء مشترك سعودي او لا  وكان شعارهم انا اصوووت اذن انا ستاراك خخخخخ
محمد خلاوي
شاب كووول مره ورااايق وذباته حلووه
وعجب كثيرين واغلب جمهوره كان بنات خخخ
بس الحق ينقال الولد كان راكز مره وشخصيته قويه فرضها على كل زملاؤه في الاكاديمه لدرجه كان الزعيم
صوتنا له كثير بس حظه كان قليل وخربت الخطوط يومها والتصويت ماوصل له
بس اتوقع انه الشعبيه اللي وصلها كانت مهيب شينه
جا ستار اكاديمي 2
شد المشاهدين للاكاديميه اكثر واكثر
بالذات بعد خروج خلاوي بسبب بشار وخروج بهااء بسبب عطيه
بدينا نتحمس ونشجع وشد انتباهنا في الاول فهد الزايد وزيزي على البيانو
وبدا يظهر لنا نجوميه الدب الاطخم ابو شعر طووويل هشوووم حبيب الملايين معشووووق البنات والكهلات خخخ
حبيناه حب جنوني والله
ولا ضااق صدره تلقى العالم مكتئبين ويسبون رولا والاكاديمه لانهم يضيقون صدره
نحب اللي يحبهم
ونكره اللي يحقدوون عليه ولا يحبونه
وفي الليله السعوديه اللي سواها داخل الاكاديمه رقصت قلوبنا معه قبل اجسامنا
شجعنا وتحمسنا ورقصنا وضحكنا وكانه نصر سعودي في معركه
رفع العلم السعودي بكل فخر وسولف وقص لنا قصص تبين انه خير ابن للسعوديه
كان دايم لسانه يذكر خيرات بلده وله مقولات شهيره
فرح العالم كله يوم فاز هشام وكان له جمهووور كبير في كل بلد عربي
دخل النومينيه 5 مرات وفي كل مره كان يكسح رولا واعوانها ويقولها انا الستااااااااااار
تبين ولا بكيفك
هالبلوق بسبب الاكاديمه الحين وسهرات البرايم
للحين مافيه ولا طالب خلاني اتحمس له او يذكرني بهشام
وليد الاردني يعجبني نوعا ما لانه رزه وصوته حلو بس مابي احكم
موق ^_^
November 14 ولكمووووو الدراسهـالجوو بارد يوحي بالنووم العالم سهرانه ومواصلهـ النفسيات خايسهـ والاخلاق تجاريهـ .. والمروور زحمهـ والاشارات قلق
هذا هو اول يوم دراسه بعد العيد
تصدقون عاد الاحظ شي << يحلفون ماعمرها لاحظت
 انه بعد رمضان يكون الواحد نفسيته تمام والعيد يجي والعالم طايرين من الفرح ونفسياتهم مرتاحه وعندهم رغبه جامحه وقراشيع وصنان خخخ في الاجتماعات والسهر والوناسه والطلعات .. بس لاقربت الدراسه تحس الاوضاع تختلف 180 درجه وتشين الطباع ويصير الواحد ماله خلق نفسه مدري يمكن لانه العوده جت على اختبارات وقلق والواحد مابعد عدل نومه والسهر ماخذ حده والعالم تداوم مواصلهـ والجووو يقولكـ : نم واسحب على ام الدوام خخخخ
على العموم كل عام وانتم بخير وكل عوده للاختبارات وانتم طيبين ^_^
See u ..!! September 22 كتاب مجد بلادي
وحول اربعين .. يوم الفطر .. أدى الزكاة .. وصحّى الفجر فإما أن تكون ثياب العيد نخطر بها بين أهلنا وذوينا.
وإما أن تكون أكفانا ً لنا.
ولا إن مُتنا فجزاءنا جزاء أهل بدر وأحد.
الذين ماتوا في سبيل الله
وفي ليلة من ذيك الليالي .. من ليالي الاولين..كان الامام ابن الامام .
والخلايق هاجعين .. يتفقد أحوال الرعية .. من غير أصحاب ومعية..
ساهر وغيره ينام .. متخفي بالظلام يفتحلك المعطي الرحيم .. خزاينة في الأرض
وقال قايل : ( ذولا بدو والنفط هو كل السبب ..
**
البيت وسعنا عماره ومسجد رسول الله وداره
الخير مايظهر ثماره الافعـــــل الصـــالحــــات
**
وللحج سهلنا المسالك باليسر تتأدى المناسك
ياخادم البيتين ناسك ادوا كل الواجـــــــــبات
وسلامتكم
September 13 عفواً حياتي
أذكـر ليـالينا وضحـكك وغـاليك ،،، أذكـر عيـون وافيـات تصـونك ليـت الزمـان يعـود ويـرد مـاضيك ،،، أشتقـت للضحكـه وحشنـي جنـونك لكـن أبـرحل وأتـرك الهـم يطويـك ،،، وتعيـش بالدنيـا أسيـر لظنـونك بـرحل وبتـرك لـك بقايـا أمـانيك ،،، غـدرك عـذاب حـال دونـي ودونـك خـل الرفيـق اللـي غـدربي يسلـيك ،،، وأذكـر تـرى مـن خـان لجلـك يخـونك ₪ ودي ابــكـــي ₪مخنوقهـ يمه و أحـــس الخنقه هدتني
مكسور قلبي و عيني مدري وش فيها ..!!
،،،
مخنووقه وودي ابكي لين مايبقى دمووع او لين الدموووع تكرهني لاضاقت فيك الدنيا على وسعها وين تروح؟وش تسوي؟
،،،،
هي تضيق ولا الهم اللي فينا يكون اكبر من مجالها؟ لاكبر همي وزاد حزني وانا بعيده عن امي ياويلي وين اروح .؟؟وين ادفن راسي فيه؟ يوووه يمه بعدك اتعبني وصرت اشوووف الدنيا اضيق من غرفتي .. تكفين يمه ضميني خليني اصيح وانسى هموم واحزان محد فهمها .. خليني اعيدحساباتي واورااقي من جديد واصير اقوى .. ،،،،،،
ابي اواجه احزاني وهمومي وانا اكبر منها بس للاسف بظل صغيره قدامها لانك بعيده عني :(
August 20 قالت ألووكلمت والصوت مبحوح الحرووووف ليست اغنيه لابونوره..
لا
هذا ماحدث معي اليوم
كلمتني بالكاد فهمت كلمه ألوو وقد خرجت من فمها مبعثره مبحوحه فيه كم هااائل من الحزن وشرخ كبير
تسبب فيه زوجها
انه خاااااائن
لقد اكتشتف انه يخونها منذ زمن ليس بالقليل
وكانت هي مغفله ... تساعده على خيانته بان توفر له الجو الشاعري والرومنسي ليخونها عندما تذهب لبيت اهلها.. او تنام مبكرا وتدعه بالساعات على جهاز الكمبيوتر يستمتع بخيانه تلك المسكينه التي لاحول ولاقوه لها والتي لم تقابل تلك الخيانه الا بكل ود ووفاااء وحب ...... ولكنها اليوم اكتشفت انه يخونها ولم تبقى جنسيه عربيه لم يجرب احدى فتياتها ويتعرف عليها
ويرقمها... فهل ستبقى تلك الودود الوفيه المحبه؟؟
ياعزتي لهااا .. ولكل مغفله 
|
||||||||||||||||
ولانيب احبهم ؟
سعود بوسلطان
يالبى هشووم والله
كتاب مجد بلادي 
Invite as friend